ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

მ.წ. 16 თებერვალს, საქართველოს ელჩმა გელა დუმბაძემ შეხვედრა გამართა უკრაინის ეროვნული პოლიციის აკადემიის რექტორთან გენერალ-ლეიტენანტ ვლადიმერ ჩერნეისთან და აკადემიის პრორექტორთან პოლკოვნიკ სერგეი ჩერნიავსკისთან. შეხვედრის დროს მხარეებმა ისაუბრეს ორმხრივი თანამშრომლობის განვითარების პერსპექტივებზე. რექტორმა ელჩი მიიწვია უკრაინის ეროვნული პოლიციის აკადემიაში ლექციის წასაკითხად. 

განთავსების თარიღი: 16.02.2018
 

მ.წ. 16 თებერვალს, საქართველოს საელჩოს მიღებების დარბაზში გაიმართა აბრეშუმის გზის პროექტის „ერთი სარტყელი–ერთი გზა“ ფარგლებში ბალტიის ზღვისა და შავი ზღვის ქვეყნებს შორის სატრანსპორტო კორიდორების განვითარების განხილვა. შეხვედრის ფარგლებში გაიმართა ხერსონისა და სკადოვსკის პორტების მოდერნიზაციის პროექტის პრეზენტაცია, რომელიც ითვალისწინებს აღნიშნული პორტების ჩართვას ახალ სატრანსპორტო დერეფანში ლიტვა (კლაიპედა)-ბელარუსი-უკრაინა (ხერსონი)-თურქეთი (ტრაპიზონი)-საქართველო-აზერბაიჯანი, აგრეთვე ახალი საბორნე მარშრუტის დანიშვნას ბათუმისა და ხერსონის პორტებს შორის.

განთავსების თარიღი: 16.02.2018
 

2018 წლის 15 თებერვალს, კიევში,  სუამ-ის სამდივნოში გაიმართა სუამ-ის ეროვნულ კოორდინატორთა საბჭოს 45-ე შეხვედრა. შეხვედრას ესწრებოდნენ აზერბაიჯანის რესპუბლიკის საგარეო საქმეთა სამინისტროს რეგიონალური უსაფრთხოების დეპარტამენტის უფროსი კ. ხასიევი,  საქართველოს საგარეო საქმეთა მინისტრის მოადგილე ვ. მახარობლიშვილი, მოლდოვას რესპუბლიკის საგარეო საქმეთა და ევროპული ინტეგრაციის სამინისტროს სახელმწიფო მდივანი თ. მოლუსი, (სხდომის თავმჯდომარე); უკრაინის საგარეო საქმეთა მინისტრის მოადგილე ვ. ბოდნარი და სუამ-ის გენერალური მდივანი ა. ეფენდიევი.

განთავსების თარიღი: 15.02.2018
 

მ.წ. 10 თებერვალს, ქ. ირპენის მერის ვოლოდიმერ კარპლიუკის მოწვევით შედგა საქართველოს ელჩის გელა დუმბაძის ვიზიტი ქ. ირპენში. ვოლოდიმერ კრაპლიუკმა ელჩს დაათვალიერებინა ქალაქი, გააცნო განახლებული ინფრასტრუქტურული ობიექტები. ელჩმა ყვავილებით შეამკო ანტიტერორისტულ ოპერაციაში დაღუპული გმირების მემორიალი.  

განთავსების თარიღი: 12.02.2018
 

მ.წ. 8 თებერვალს, ქალაქ კიევის ობოლონის რაიონში, № 20 სპეციალიზირებული სკოლა-ლიცეუმის საკონცერტო დარბაზში, ყოველწლიური პროექტის «Країнознавець» ფარგლებში,  გაიმართა კონკურსის „საქართველო“ ფინალი და გალა-კონცერტი. კონკურსი, რომელშიც რაიონის 43 სკოლამ მიიღო მონაწილეობა, დაიწყო 2017 წლის 15 ნოემბერს და შედგებოდა 3 ეტაპისგან: საქართველოს გეოგრაფია, ისტორია და კულტურა. 

განთავსების თარიღი: 11.02.2018
 

2018 წლის 5 თებერვალს, ქ. კიევში, უკრაინის შინაგან საქმეთა სამინისტროში გაიმართა შეხვედრა უკრაინის შინაგან საქმეთა მინისტრს არსენ ავაკოვსა და საქართველოს ელჩს გელა დუმბაძეს შორის. შეხვედრის დროს მხარეებმა ისაუბრეს უკრაინასა და საქართველოს შინაგან საქმეთა სამინისტროებს შორის თანამშრომლობის განვითარების პერსპექტივებზე.  პრიორიტეტულ საკითხად განხილულ იქნა უკრაინასა და საქართველოს შორის მართვის მოწმობების ორმხრივი აღიარებისა და გაცვლის თემა.

განთავსების თარიღი: 05.02.2018
 

მ.წ. 22 იანვარს, უკრაინის პრეზიდენტის ადმინისტრაციაში გაიმართა შეხვედრა უკრაინის ეროვნული უსაფრთხოებისა და თავდაცვის საბჭოს მდივანს ოლექსანდრე ტურჩინოვსა და საქართველოს ელჩს გელა დუმბაძეს შორის. შეხვედრის დროს მხარეებმა ისაუბრეს უკრაინა-საქართველოს შორის თანამშრომლობის განვითარების პერსპექტივებზე და სამომავლო გეგმებზე.

განთავსების თარიღი: 22.01.2018
 

საქართველოს პარლამენტის თავმჯდომარემ ოფიციალური ვიზიტი უკრაინაში ქვეყნის პრეზიდენტ პეტრო პოროშენკოსთან შეხვედრით დაასრულა. 

მხარეებმა ორ ქვეყანას შორის არსებული მეგობრული და პარტნიორული ურთიერთობები განიხილეს და თანამშრომლობის სამომავლო გეგმებზე ისაუბრეს.

ირაკლი კობახიძის თქმით, საქართველოსა და უკრაინას განსაკუთრებული ისტორიული და მეგობრული ურთიერთობა აკავშირებს, რასაც ქვეყნებს შორის მჭიდრო პოლიტიკური და ეკონომიკური თანამშრომლობა ეფუძნება.

განთავსების თარიღი: 22.01.2018
 

უკრაინაში ოფიციალური ვიზიტის ფარგლებში, საქართველოს პარლამენტის თავმჯდომარე და დელეგაციის წევრები ქართული დიასპორის წარმომადგენლებს შეხვდნენ.

ირაკლი კობახიძე თანამემამულეებს საქართველოსა და უკრაინის ორმხრივი ურთიერთობისა და ქვეყნების წინაშე არსებული საერთო გამოწვევების, საქართველოში მიმდინარე დემოკრატიული რეფორმების, საქართველოს პარლამენტის დღის წესრიგისა და ქვეყნის საგარეო პოლიტიკური პრიორიტეტების შესახებ ესაუბრა.

შეხვედრა კითხვა-პასუხის რეჟიმში გაგრძელდა. უკრაინაში მცხოვრები ქართველები ჩვენი ქვეყნის საგარეო პოლიტიკური მიზნებითა და სამომავლო გეგმებით დაინტერესდნენ.

განთავსების თარიღი: 19.01.2018
 

საქართველოს პარლამენტის თავმჯდომარე, დელეგაციასთან ერთად, უკრაინაში ოფიციალურ ვიზიტს აგრძელებს. 

ირაკლი კობახიძე, დელეგაციასთან ერთად, კიევში, ზეციური ასეულის გმირების ქუჩას ეწვია, გმირების მემორიალი გვირგვინით შეამკო და მაიდანზე დაღუპულთა ხსოვნას პატივი მიაგო.

განთავსების თარიღი: 18.01.2018
 
კვ ორ სა ოთ ხუ პა შა
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ