ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ქ. თბილისის მერთან დავით ნარმანიასთან ერთად თბილისობის დღესასწაულზე აზერბაიჯანის, უკრაინისა და მოლდოვას საგარეო საქმეთა მინისტრებს ელმარ მამედიაროვს, პავლო კლიმკინს და ანდრეი გალბურს ახალ აღმაშენებელზე უმასპინძლა.

მინისტრებმა ფეხით გაისეირნეს და სპეციალურად თბილისობისათვის დადგმული ქუჩის ღონისძიებები და გამოფენები დაათვალიერეს. სტუმრებმა ქართული ღვინო დააგემოვნეს, რის შემდეგაც სამახსოვროდ ქართული კერძების მენიუებით შექმნილი საქართველოს რუკა და ტკბილეული გადაეცათ.

განთავსების თარიღი: 09.10.2017
 

მიხეილ ჯანელიძემ ხაზი გაუსვა განვლილი 20 წლის განმალობაში ორგანიზაციის განვითარებას და აღნიშნა, რომ სუამი ამ ხნის განმალობაში საერთაშორისო ასპარეზზე სრულფასოვან და ძლიერ პოლიტიკურ აქტორად ჩამოყალიბდა, რომელიც სხვადასხვა მიმართულებით ავითარებს წარმატებულ თანამშრომლობას, „20 წლის წინ, ოთხმა მეგობარმა ქვეყანამ საფუძველი ჩაუყარა სუამ-ის ფორმატის დაარსებას, რეგიონში მშვიდობის, სტაბილურობის, თანამშრომლობისა და ეკონომიკური განვითარების გაძლიერებისათვის. გასული წლების მანძილზე, ჩვენი ერთობლივი ძალისხმევით, სუამ-ი გარდაიქმნა სრულფასოვან რეგიონალურ ორგანიზაციად, რომლის ფარგლებშიც დღეს წარმატებით ვითარდება პოლიტიკური, დარგობრივი და საპარლამენტთაშორისო თანამშრომლობა,“ აღნიშნა მინისტრმა.

განთავსების თარიღი: 09.10.2017
 

ვიცე-პრემიერი, საგარეო საქმეთა მინისტრი მიხეილ ჯანელიძე სუამის მინისტერიალის დასრულების შემდგომ გამართულ ერთობლივ პრესკონფერენციაზე მიესალმა ორგანიზაციის კომუნიკეს მიღბას და აღნიშნა, რომ დოკუმენტში ასახულია ის პრიორიტეტები, რომლებიც საიუბილეო მინისტერიალის ფარგლებში იქნა განხილული.

ვრცლად იხილეთ: http://gov.ge/s/b41e5

განთავსების თარიღი: 09.10.2017
 

სუამ-ის საგარეო საქმეთა მინისტრების საიუბილეო შეხვედრის ფარგლებში საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ორმხრივი შეხვედრა გამართა უკრაინელ კოლეგასთან პაოლო კლიმკინთან.

მინისტრები მიესალმნენ ორგანიზაციის ფარგლებში წარმატებულ თანამშრომლობას და აღნიშნეს საიუბილეო მინისტერიალის მნიშვნელობა ორგანიზაციის სამომავლო გეგმების განსაზღვრის კუთხით.

განთავსების თარიღი: 09.10.2017
 

„სუამის განვითარების საერთო ხედვა გულისხმობს თამშრომლობიდან მეტ თანაქმედებაზე გადასვლას“ - მიხეილ ჯანელიძე.

„ეს არის ორგანიზაცია, რომელიც შექმნილია მეგობარი სახელმწიფოების მიერ, რომელთაც მეტი სტაბილურობისა და განვითარების საერთო ინტერესები და ხედვა გააჩნიათ. ამ ორგანიზაციამ 20 წლის განმავლობაში შეძლო განევითარებინა ინსტიტუტები, ჩამოეყალიბებინა თანამშრომლობის შესაბამისი ფორმატები, ასევე დაემკვიდრებინა საკუთარი ადგილი საერთაშორისო ასპარეზსა და ფორმატებში“ - ამის შესახებ საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სუამ-ის საგარეო საქმეთა მინისტრთა საბჭოს საიუბილეო სხდომის დაწყებამდე განაცხადა.

 

განთავსების თარიღი: 09.10.2017
 

8.10.2017 თბილისი - ​საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ სუამ-ის  მნიშვნელობასა და მინისტერიალის შედეგებზე საიუბილეო სესიის შემდეგ სუამ-ის წვერი ქვეყნების საგარეო საქმეთა მინისტრებთან ერთად გამართულ პრეს-კონფერენციაზე ისაუბრა. 


განთავსების თარიღი: 08.10.2017
 

დღეს, 7 ოქტომბერს, საქართველოს საგანგებო და სრულუფლებიანმა ელჩმა გელა დუმბაძემ ოფიციალურად გახსნა "თბილისობა", რომელიც უკვე წლებია ტრადიციულად იმართება ქ. კიევის ცენტრში, ანდრეევსკის დაღმარათზე. ღონისძიების ფარგლებში ელჩი ეწვია ივანე კავალერიძის მუზეუმს, სადაც გაიმართა თანამედროვე ქართველი მხატვრის დავით ავალიანის ნამუშევრების გამოფენა. ასევე, გელა დუმბაძე ეწვია ქართული ღვინის კომპანიების მიერ ორგანიზებულ დეგუსტაციას, სადაც ყველა სტუმარს საშუალება ჰქონდა დაეგემოვნებინა ქართული ღვინო და მიესალმა ქართული რესტორნების წარმომადგენლებს, რომლებიც მისულ სტუმრებს უმასპინძლდებოდნენ ქართული კერძებით.

განთავსების თარიღი: 08.10.2017
 

5 ოქტომბერს, საქართველოს საგანგებო და სრულუფლებიანმა ელჩმა გელა დუმბაძემ მონაწილეობა მიიღო უკრაინის უმაღლესი რადას საქართველოსთან მეგობრობის ჯგუფის სხდომაში, რომელსაც ჯგუფის ხელმძღვანელი, უკრაინის უმაღლესი რადას დეპუტატი ხვიჩა მეფარიშვილი გაუძღვა. მხარეებმა განიხილეს დღის წესრიგში არსებული ორმხრივი თანამშრომლობის აქტუალური საკითხები და თანამშრომლობის პერსპექტივები ოკუპირებული ტერიტორიების, ეკონომიკური, კულტურული და საგანმანათლებლო სფეროების კონტექსტში. 

განთავსების თარიღი: 05.10.2017
 

მ.წ. 3 ოქტომბერს, საქართველოს საგანგებო და სრულუფლებიანმა ელჩმა გელა დუმბაძემ გაცნობით ვიზიტით საელჩოში სტუმრად მიიღო მალტის ორდენის ელჩი ანტონიო გადზანტი პულიეზე დი კოტრონე. შეხვედრის დროს მხარეებმა ისაუბრეს ორმხრივი თანამშრომლობის საკითხებზე, რელიგიურ კონფესიებზე, ქვეყნების საგარეო პოლიტიკურ ვექტორებზე, რასთან დაკავშირებითაც მალტის ორდენის ელჩმა დაადასტურა თავისი სიმპატია საქართველოს პოზიციის მიმართ,  ევროპულ და ევროატლანტიკურ სტრუქტურებში ინტეგრაციის მისწრაფებასთან დაკავშირებით.  

განთავსების თარიღი: 03.10.2017
 

მ.წ. 1 ოქტომბერს, ქ.პოლტავაში ვიზიტის ფარგლებში, საგანგებო და სრულუფლებიანი ელჩი გელა დუმბაძე ეწვია პოლტავის სავაჭრო-ეკონომიკურ უნივერსიტეტს, სადაც აგრეთვე განთავსებულია ქართული კულტურის ცენტრი. უნივერსიტეტის რექტორმა ალექსეი ნესტულიამ გააცნო სასწავლო დაწესებულების შესაძლებლობები, სხვადასხვა უცხო ქვეყნებთან საერთაშორისო თანამშრომლობის შედეგები და განვითარების გეგმები. 

განთავსების თარიღი: 01.10.2017
 
კვ ორ სა ოთ ხუ პა შა
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ